Peer Education Network - Kullerat.net

Në gjimnazin “Abdyl Frashëri” në Malishevë, u mbajt Trajnimi i Trajnerëve mbi Shëndetin seksual & riprodhues, Infeksionet Seksualisht të Transmetueshme dhe HIV/AIDS. Aktiviteti i sipërtheksuar financohet nga UNFPA dhe implementohet nga KOPF-i.

Vetëdijesimi i te rinjve mbi Shëndetin Riprodhues dhe ndryshimi sjelljes, ishte qëllimi i këtij trajnimi të mbajtur me datën 2 dhe 3 qershor me nxënës të Gjimnazit “Abdyl Frashëri”. Përveç trajnimit te rinjtë kishin mundësinë qe të shoqërohen mes veti dhe te diskutojnë mbi temat e theksuara më lartë te cilat kanë qenë pak të njohura për ta.

Trajnimi i trajnerëve në Malishevë, nuk përfundon me kaç por ka një fillim për të rinjtë e trajnuar . Trajnerët e certifikuar përmes metodës së Edukimit Bashkëmoshatar, njohurit e përfituar do ti shpërndajnë tek bashkëmoshataret e tyre duke mbajt ligjërata nepër klasat e 10-13-ta.

Përveç Trajnimit të Trajnerëve në Malishevë, me datën 23 Qershor 2009 KOPF-i në bashkëpunim me trajnerët e certifikuar do ta mbajë një debat, ku të rinjtë do ta kenë rastin të drejtojnë pyetje dhe të debatojnë me zyrtaret e Kuvendit Komunal, Qendrës së Mjekësisë Familjare, Drejtorjati të Arsimit, Qendrës Rinore , UNFPA dhe KOPF-it.

Për më shumë detaje lidhur me debatin do të lexoni së shpejti në ueb faqen tonë.

Për përkrahjen dhe mbarëvajtjen e trajnimit falënderojmë personelin e shkollës dhe nxënësit e certifikuar.

Financuar nga UNFPA dhe në bashkëpunim me Federatën e Basketbollit te Kosovës, për here të parë me datën 06 Qershor 2009, KOPF-i organizon LOVE PLUS „STREET BALL“ ne Pishinën e Gërmisë.

Love Plus ”Streetball" kishte për qellim promovimin e Love Plus-it dhe ngritjen e vetëdijes se te rinjve mbi përdorimin e kondomit Love Plus. Kondomi dihet qe është i vetmi produkt i cili parandalon infeksionin me HIV/AIDS dhe Infeksionet Seksualisht të Transmetueshme gjatë marrëdhënieve seksuale.

Love Plus “Streetball”, madhështore e beri edhe pjesëmarrja e me shume se 500 te rinjve nga shkollat e mesme te Prishtinës, Skenderajt dhe Malishevës. Përveç qëllimit kryesor te promovimit te sjelljeve te shëndosha aktiviteti ne fjale kishte për qellim qe te rinjtë te shprehin talentin e tyre ne sport dhe muzike. Ne Love Plus “Streetball” morën pjese 18 ekipe nga Prishtina, Skenderaj dhe performuan falas për kënaqësinë e të rinjve 10 grupe muzikore.